Сыр бойы

Облыстық ішкі істер де­­пар­таментінде өткен се­ми­­нарда Қазақстан Респуб­ли­­касының өзгерістер мен то­лықтырулар енгізілген қыл­мыстық, қылмыстық-про­цес­тік, қылмыстық-атқа­ру және әкімшілік құқық бұзу­шылық туралы кодекстер талқыланды. Семинар-кеңеске облыстық құ­қық қорғау органдары, про­куратура, сот жүйесі, сараптама орталығының қызметкерлері, сондай-ақ үкіметтік емес ұй­ымдар мен бұқаралық ақпарат құралдарының өкілдері қа­тыс­ты.

Семинарды сөз сөй­леп ашқан департамент бас­ты­ғы­ның орынбасары, поли­ция пол­ковнигі Нұрлан Анар­ба­ев аталған кодекстерге ен­гі­зілген өзгертулер мен то­лық­тырулардың маңызына тоқ­тала келіп, күн тәртібімен та­ныстырып өтті.

Бұдан соң мінберге көте­рілген Қорқыт ата атындағы Қызылорда мемлекеттік уни­вер­ситеті "Құқықтану” кафед­расының аға оқытушысы Мақ­сұт Қошманов кодекстерге өз­герістер енгізілуіне орай құқық қорғау саласында еліміздің ха­лықаралық стандартқа жау­ап беру мәселесін сөз ет­се, облыстық прокуратура бас­қар­масының аға прокуроры Оң­дасын Көмекбаев қылмыс­тық-процестік кодекстің 30-та­рауында қаралған жасырын тергеу әрекеттері мен жедел іздестіру іс-шараларының жүр­гі­зілу тәр­тібі және сотқа дейінгі тер­геп-жүргізу кезінде "Жедел іздестіру қызметі туралы” ҚР Заңын қолдануға тыйым сал­ған өзгеріс жайлы баяндап бер­ді.

Сондай-ақ жаңадан редак­цияланған кодекстердің сот жүй­есінде алатын орны жайлы облыстық соттың қылмыстық істер жөніндегі апелляциялық сот алқасы судьясы, заң ғы­лымдарының кандидаты Аман­келді Қожаниязов, қылмыстық және қылмыстық-процестік ко­декстердің енгізілуіне орай құ­қық қорғау органдары мен сот жүйесі арасында пай­да болатын процестік жа­ңа қа­тынастар турасында Қы­зылорда қалалық №2 со­ты төрағасының міндетін атқа­рушы Абдуллажан Сайдуллаев, сотқа дейінгі тергеп-тексеру жүргізудің жалпы шарттары және оны жүргізу кезінде про­куратура органының, оның ішін­де процесс прокурорының өкі­леттігі жайлы қала проку­рорының аға көмекшісі Жан­дос Жүсіпов баяндама жасады.

Түскі үзілістен кейін жаңа­дан редакцияланған ко­декс­терде сарапшылар мен үкі­меттік емес ұйымдардың өкі­леттіктері жайлы облыс бой­ынша сот-сараптама инс­ти­туты мамандары мен "Тұ­ты­нушылардың құқығын қор­ғау” қоғамдық бірлестігі өкіл­дерінің баяндамалары тың­далып, талқыланды.

Бақтыбай БЕРДІБАЕВ.