Сыр бойы

• Қазалы аудандық жұ­мыспен қамту және әлеу­меттік бағдарламалар, мәде­­ниет және тілдерді дамы­­ту бөлімдерінің ұйымдас­тыруымен мүмкіндігі шектеулі жандар арасында «Бәрімізде бірдейміз» атты аудандық көркемөнерпаздар байқауы өткізілді. Өнер додасында 30-ға жуық мүмкіндігі шектеулі жандар қатысып, олар көркемсөз оқу, ән, күй, би, терме, аспапта ойнау жанрлары бойынша өз өнерлерін ортаға салды.

• Қармақшы ауданында Яд­ро­лық сынақтарға қар­сы ха­лық­аралық іс-қимыл күні­­не және «Невада-Семей» қоз­ға­лысының құрылғанына 25 жыл толуына орай «Ядролық қарусыз әлем – адамзаттың ең ізгі мұраты» тақырыбы бойынша аудандық конференция болып өтті.

Шара аясында Қармақшы ау­дан­дық «Невада-Семей» қоғам­дық бірлестігінің мүшелері аудан әкімінің Алғыс хатымен, мере­келік төсбелгілермен мара­патталып, полигон зардабынан қайтыс болған азаматтардың жесір­леріне сый-сияпат көрсе­тілді.

• Жалағаш ауданында «Жа­ла­ғаштық жастар – жарқын бола­шаққа!» атты жастардың фору­мы өттi. Оған 200-ге жуық жастар жиналып, «Ерiктiлер қозғалысын ұйымдастыру жолдары», «Дiн және жастар», «Мемлекеттiк бағдарламалардың жастар саясатындағы рөлi» атты тақырыптар төңірегінде ой бөлісті.

• «Нұр Отан» партиясы Жаңақорған аудандық филиа­лында Сунақата ауылдық окру­гі әкімі Әзия Қыстаубаева тіл­шілермен брифинг өткізіп, ок­руг­те жасалып жатқан жұ­мыс­тарды баяндады. Үстіміз­дегі жылдың мамырында 40 орындық «Айшакүл» жеке балабақшасы ашылды. Қазіргі таңда 90 орындық балабақша мен селолық аурухана құжаттары жасалуда. Ауылдық округте ауыз су мәселесі жүз пайыз шешілген.