Жаңа номер

Сыр бойы

syrboyi@yandex.kz

+7 (7242) 40-02-17

ҚОҒАМ ҚҰПТАҒАН ҚАДАМ

Үкіметті жасақтау – әлемдік күрделі кезеңдегі превентивті қадам. Бұл туралы кеше ҚР Президенті жанындағы Орталық коммуникациялар қызметінде өткен брифинг барысында сарапшы, заң ғылымдарының докторы, профессор Марат Бәшімов хабарлады, деп жазады BNews.kz

Үкіметтің кеңейтілген отырысында айтылған шешімдердің қисыны бар, мақсат-міндеттер айқын белгіленді,-дейді профессор. – Көптеген сарапшылардың айтуынша, қалыптасып отырған геосаяси жағдай ойландырады, әлемдік экономикалық дағдарыстың салдары әлі анық емес, бұл орайда Үкімет алдағы уақытта мемлекетіміз бастан кешуі мүмкін жағдайға алдын ала дайындалып жатыр. Сондықтан міндеттерді стратегиялық тұрғыда қою керек. Үкіметтің кеңейтілген отырысында Президент атап көрсеткендей, министрліктердің қайта құрылуы осы стратегиялық жоспармен байланысты.

Оның пікірінше, Үкіметтің биылғы жылдың алты айында атқарған жұмысының нәтижесі көңіл көншітерлік.

Сарапшы Үкіметтің бірінші жартыжылдықта экономикалық өсім қарқынының төмендеуіне жол бермегенін баса айтты. Бұл өте маңызды. Ол өз пікірін:

Алдағы екі-үш жылда Үкімет алдында үлкен міндеттер тұр. Еуразиялық экономикалық одақ аясында ауқымды жұмыстар жасау керек. Дүниежүзілік сауда ұйымына кіру, бюджеттік бақылау бағытында көп шаруа тындыру қажет. Мемлекет басшысы бюджеттік қаражатты пайдалануды бақылауға үлкен көңіл бөлуді үнемі айтып отырады. Сондай-ақ, тиімді мемлекеттік басқаруды құрудың да маңызы айрықша, -деп түйіндеді.

АҚПАРАТ 09 тамыз 2014 г. 731 0