Сыр бойы

Мемлекеттік-жекешелік әріп­тес­тік, бұл – мемлекеттік және же­ке­меншік сектордағы инфра­құ­ры­лым­дық қызметтер мен қоғам­дық қыз­меттер көрсету жобаларын іс­ке асыру мақсатындағы ынты­мақ­тастық.

Мемлекеттік-жекеменшік әріп­тес­тік жобаларының мақсаты – елдің инфрақұрылымын дамытуға жеке капиталды тарту және тұрғындарға көрсетілетін қызметтердің сапасын арттыру болып табылады.

Қазіргі экономикалық жағдай­да мемлекеттік-жекешелік әріптес­тіктің маңызы өте зор. Ол мемлекет пен бизнес арасындағы байланысты нығайтуда жаңа мүмкіндіктерді ашады және  экономиканың барлық саласында мемлекеттік-жекешелік әріптестікті қолдануды кеңейтеді.

Аймақта мемлекеттік-жекешелік әріптестік аясында денсаулық сақ­тау, білім, спорт, мәдениет, көліктік инфрақұрылым, ақпараттық технологиялар, қоғамдық тәртіп, әлеу­меттік қамсыздандыру, энергетика салаларындағы 75 жоба жүзеге асырылуда.

Бұл жобалар Қызылорда қала­сында, аудан орталықтарында, ауыл­дық елді мекендерде жүзеге асыры­лып жатыр.

Оның ішінен бірнешеуін атап өтетін болсақ, Қызылорда қаласында «Тарлан» дене шынықтыру-сауық­тыру спорт кешенін айтуға болады. Аталған спорт кешені жылына 350 балаға спорттың 3 түрінен (бокс, таэквандо, ауыр атлетика) қызмет көрсетеді.

Сонымен қатар, денсаулық сақ­тау саласы бойынша 2018 жылы мемлекеттік-жекешелік әріптестік аясында Қызылорда қаласы И.Тай­манов көшесінде ауысымына 400 қабылдауға арналған жаңа емхана ғимараты, Сырдария ауданы Ақжарма елді мекенінде дәрігерлік амбулатория пайдалануға берілді. Арал ауданы Бекбауыл елді меке­нінде, Қазалы ауданы Өркендеу елді мекенінде дәрігерлік амбулато­рияларды жылдың соңына дейін пай­далануға беру жоспарланып отыр.

Қазіргі таңда, тағы 15 ауылдық елді мекенде дәрігерлік амбулатория құрылысы жүргізілуде. Оларды келер жылы пайдалануға беру жоспарлануда.

Әсіресе, мемлекеттік-жекешелік әріптестік аясында дене шынықтыру және спорт, білім салаларына арналған жобаларды жүзеге асыру қарқынды жүргізілуде.

Бибінұр ӘЛІБЕКОВА, 

облыстық экономика және бюджеттік жоспарлау басқармасының бас маманы.