Сыр бойы

«Темірбек Қараұлы Жүргенов» қоғамдық қоры, Темірбек Жүргенов атындағы Қазақ Ұлттық Өнер академиясымен бірлесе отырып, ақындар арасында республика көлемінде жазба ақындар мүшәйрасын жариялайды.

Мүшәйраның тақырыптары:

Темірбек Жүргеновтің саяси көзқарастарын, оқу-ағарту және мәдениет саласындағы жұмыстарын, әдеби, публицистикалық мұрасын өлең арқылы ұрпаққа насихаттау;

Тәуелсіз Қазақстанның «Мәңгілік Ел» ұлттық идеясынан туындайтын Қазақ тарихында қалдырған ерен еңбегін жырлау;

Темірбек Жүргеновтің жазбаларында кездесетін рухани ұлттық мұрамыз бен елдік-ерлік құндылықтарымызды ұлықтау.

Оның репрессия құрбаны болғанын өлеңге қосу арқылы, қазақ халқы­ның басына нәубет боп төнген жылдарды ұрпақ санасына жаңғырту.

Бас Жүлде – 300 000 (үш жүз мың) теңге;

І орын біреу – 200 000 (екі жүз мың) теңге;

ІІ орын екеу – әрқайсысына 150 000 (жүз елу мың) теңгеден;

ІІІ орын үшеу –  әрқайсысына 100 000 (жүз мың) теңгеден.

Жалпы байқаудың жүлделік қоры – 1 100 000 (бір миллион жүз мың) теңге.

Мүшәйра шарттары:

Ұсынылған өлеңдер бұрын жарияланбаған болуы керек. Өлеңдер Times New Roman шрифтісімен, 14 кегльмен, 1 жоларалық интервалмен терілуі тиіс.

Республика көлемінде тұратын ақындар жасына, атағына қарамай қатыса алады.

Авторлар А4 пішімді 1-ші конвертке бүркеншік атымен жазылған шығармасының компьютерге басылған үш данасын жолдайды. 2-ші кіші пішімді конвертке автордың шын аты-жөні, фотосуреті, мекен-жайы, телефондары, эл.поштасы жазылып, аузы бекітіліп, 1-ші конвертке салынады. Кіші конверттің сыртына бүркеншік аты жазылады.

Шығармалар 2018 жылдың 1 сәуіріне дейін қабылданады.

Ескерту: 

Жүлдегерлердің мүшәйра өтетін қалаға келіп-кету жол қаражаты мен жатар орны шығынын өздері көтереді.

Хабарласу үшін тел: 8 707 822 24 44.

Жанболат Көшербаев.

Эл. пошта: zhanbolatkz@bk.ru, sabiansat@mail.ru

WhatsApp: 8 707 822 24 44 Жанболат Көшербаев.

Ұйымдастыру алқасы

«Темірбек Қараұлы Жүргенов» қоғамдық қоры, 

Темірбек Жүргенов атындағы Қазақ Ұлттық Өнер академиясы.