Сыр бойы

Мемлекет басшысының Жарлығымен Әсет Өрентайұлы Исекешев басқа жұмысқа ауысуына байланысты Қазақстан Республикасы Президенті Әкімшілігінің басшысы қызметінен босатылды, деп хабарлайды Ақорданың баспасөз қызметі.

Мемлекет басшысының Жарлығымен Мұрат Әбуғалиұлы Нұртілеуов Қазақстан Республикасы Президентінің көмекшісі болып тағайындалды, ол Қазақстан Республикасының Финляндия Республикасындағы Төтенше және Өкілетті Елшісі қызметінен, Қазақстан Республикасының Эстония Республикасындағы Төтенше және Өкілетті Елшісі қызметін қоса атқарудан босатылды.

Кездесуде Қазақстан Президентіне сот жүйесін жаңғырту барысы жөнінде баяндалып, «100 нақты қадам» Ұлт жоспарын іске асыру аясындағы міндеттердің орындалуы туралы есеп берілді. Қасым-Жомарт Тоқаев сот жүйесін жетілдіру жұмыстарын жалғастыруды және халықтың сот билігіне сенімін арттыруға бағытталған шаралардың тиімді жүзеге асырылуын қамтамасыз етуді тапсырды.

ҚР Президентінің Жарлығымен Бақытжан Сағынтаев Қазақстан Республикасы Президенті Әкімшілігінің басшысы қызметіне тағайындалды, деп хабарлайды Ақорданың баспасөз қызметі.Сондай-ақ, Бақытжан Әбдірұлы Сағынтаев Қазақстан Республикасының Мемлекеттік хатшысы қызметінен босатылды.  

Қазақстан Республикасының Президенті Қасым-Жомарт Тоқаевтың Жарлығымен Марат Тәжин ҚР Мемлекеттік хатшысы болып тағайындалды, деп хабарлайды Ақорданың баспасөз қызметі. «Марат Мұханбетқазыұлы Тәжин Қазақстан Республикасының Мемлекеттік хатшысы болып тағайындалсын, ол Қазақстан Республикасы Президентінің Әкімшілігі Басшысының бірінші орынбасары қызметінен босатылсын», - делінген құжатта. Марат Мұханбетқазыұлы 1960 жылы дүниеге келген. Социологиялық ғылымдар докторы, профессор, ҚР Әлеуметтік ғылым академиясының академигі, Ресей Әлеуметтік ғылым академиясының академигі, ҚР Саяси ғылым академиясының академигі. ҚР Президенті Әкімшілігі басшысының орынбасары - Талдау және стратегиялық зерттеу орталығының басшысы, Президенттің ұлттық қауіпсіздік жөніндегі көмекшісі - ҚР Қауіпсіздік Кеңесінің хатшысы, ҰҚК төрағасы, Президенті Әкімшілігі басшысының бірінші орынбасары, Президенті Әкімшілігі басшысының бірінші орынбасары - Ішкі саясат басқармасының бастығы, ҚР Сыртқы істер министрі, ҚР Мемлекеттік хатшысы, Қазақстанның Ресейдегі Елшісі қызметтерін атқарған. 1-ші дәрежелі «Барыс», «Құрмет» ордендерімен марапатталған. Дереккөз: inform.kz

Жаңа Зеландияның мұсылман әйелдері терактіден кейін үйлерінен шығуға қорқатындарын мойындаған. Оларды қорғау үшін жергілікті тұрғындар да орамал тақты, - деп хабарлайды Tengrinews.kz тілшісі Deutsche Welle басылымының орыс нұсқасына сілтеме жасап.

Тимур Сүлейменов Президенттің кеңесшісі болып тағайындалды, - деп  хабарлайды Tengrinews.kz тілшісі Ақордаға сілтеме жасап. "Сүлейменов Тимур Мұратұлы Қазақстан Республикасы Президентінің кеңесшісі қызметіне тағайындалсын", - делінген Мемлекет басшысының Өкімінде.

Биыл «Жігіттер» квартетінің  құрылғанына 15 жыл.  Елге «Ерке қыз» әнімен танымал болған топ 2003 жылы «Арай-2003» байқауына қатысып, бас жүлдеге ие болған. Содан бері сері «Жігіттердің» өнері ел көңілінен шығып, қазақтың ән қорын сапалы да мағыналы әндерімен толықтырып келеді.  Қазір Айдар Байжанов, Бағлан Әбдірайымов, Ердос Қанаев, Мырзахан Махановтан құралған топ сахна  мәдениетін сақтап,  қазақ әнін биікке көтеріп жүр. Бүгін «Жігіттер» квартеті «Студенттер сарайында» 15 жылдық мерейтойға орай ән кешін өткізбек.

Кеше Мәскеудегі Кремль сарайында Димаш Құдайбергеннің бірінші жеке концерті өтті, деп хабарлайды ҚазАқпарат тілшісі. Қазақстан әншісінің үш сағатқа жуық уақытқа созылған жеке концерті өткен сарайда ине шаншар орын болған жоқ. Билеттер сатылымға түскен алғашқы күндерде-ақ өтіп кеткен болатын. Қазіргі уақытта әлеуметтік желіде Димаш концертінің видеосы жүктелген.

Қазалы ауданының тұрғындары екі қарақұйрықты заңсыз атып алып, жануардың өлі денелерін өз үйлеріне апарып, оларды жіліктеу барысында ұсталды. Аталған азаматтармен мемлекетке келтірілген шығын 8 миллионнан астам теңгені құраған.