Сыр бойы

Бүгін Жосалы кентінің орталық алаңында Қармақшылықтар Ұлы жеңістің 73 жылдығы мерекесін атап өтті. Адамзат тарихындағы сұрапыл да ең қасіретті Ұлы Отан соғысының аяқталғанына 73 жылдығы мерекесімен аудан әкімі С. Мақашов құттықтап ізгі лебізін жеткізді.

Қызылорда облысының Ішкі істер департаментінің мұрағатында Германияда әскери тұтқында болған және өз еліне қайта оралған бұрынғы ССРО азаматтарына қатысты 418 дана құжаттар сақталуда. Айта кетерлік жайт, бүгінгі күні Германияда әскери тұтқында болған және өз еліне қайта оралған бұрынғы ССРО азаматтарына қатысты 2 мұрағаттық анықтама берілген.

Қызылордада 9 мамыр Жеңіс күніне орай «Мәншүк маршы» патриоттық шеруі өтті. Студент қыздардан құралған колонна Мәншүк Мәметова ескерткішінен бастап қала көшелерімен жүріп өтіп, тағзым алаңына жетті. 

Осыдан 25 жыл бұрын Елбасы тапсырмасымен жүзеге асқан «Болашақ» бағдарламасы талай жастың арманына қанат бітіріп, әлемнің үздік оқу орындарында білім алуға мүмкіндік берді. Олардың бірі - Жапонияның Осака қаласында Ядролық физика мамандығы бойынша магистр дәрежесін алып, елге оралған қызылордалық Абзал Іскендір. Бүгінде Абзал Қызылорда облысының Қазалы ауданы Әйтеке би кентінде мұғалім болып жұмыс істейді. Оның келешекте ауылды тастап кеткісі жоқ. Себебі ауыл баласының жеңіске жетуіне үлес қосуды өзінің бір жетістігі деп біледі. ҚазАқпарат тілшісі қызылордалық мұғалімге хабарласып, сұхбаттасқан еді.

Қазалы ауданына қарасты Бекарыстан би ауылының тұрғыны, соғыс және еңбек ардагері Қабақ Смағұлов ағаш өсіріп, бақша баптап жүр, деп хабарлайды ҚазАқпарат тілшісі.95 жасқа толған майдангердің көңілі сергек, ширақ қимылдайды əрі анық сөйлейді.

Сырдария ауданы әкімі Ғанибек Қазантаев бастаған атқарушы билік өкілдері бүгін Ұлы Отан соғысының ардагерлерін "9 мамыр – Жеңіс күні" мерекесімен құттықтады.

Ардагерлерді ардақтап, қарттарды құрметтеу - қанымызға сіңген үрдіс. Әрі мұндай өнегелі қадамның ұрпақ тәрбиесіне де тигізетін әсері мол.

Қазалы ауданында демалыс паркі ашылады. Бұл үшін жаңа аймақтан 8,2 гектар жер учаскесі белгіленіп, эскиздік жобасы әзірленді.

ҚМДБ-ның Қызылорда облысы бойынша Өкілі, «Ақмешіт-Сырдария» мешітінің Бас имамы Болатбек қажы Ұласқанұлы бастаған Жастар ісі секторының жетекшісі Н.Керімбеков, «Шын жүректен» еріктілер тобы Қызылорда қаласындағы "Атамекен" отбасылық үлгідегі балалар ауылында мерекелік кештің қадірлі қонағы болады.

Бүгін, Қызылорда қаласының әкімі Н.Нәлібаев Ұлы Жеңіс мерекесі қарсаңында майдангер және тыл ардагерлерін салтанатты түрде құттықтады.100-ден астам Жеңіс авторлары қатысқан салтанатты шара барысында ардагерлердің құрметіне концерттік бағдарламалар ұсынылып, мерекелік дастархан жайылды.