Сыр бойы

Спорт – елдің мерейін асырып, абыройын тасытатын сала. Спорттың бұқаралық сипатын дамыту – мемлекетіміздің стратегиялық басым бағыттарының бірі. Осы қағиданы берік ұстанған мемлекетіміз ел халқының ойы сергек, дені сау болуы үшін қолда бар мүмкіндіктің бәрін жасауда.

Жезқазған қаласында қазақ күресінен 2001-2002 жылы туған жасөспірімдер арасында өткен Қазақстан чемпионатында Сырдың балғын балуандары 19 команданың арасынан 4 алтын, 4 күміс, 3 қола медаль иеленіп, жалпыкомандалық есепте Жамбыл мен ОҚ спортшыларын артта қалдырып, 1-ші орынды жеңіп алды.

Щучинск қаласында қол күресінен жасөспірімдер, жастар, ересектер, ардагерлер жəне мүмкіндігі шектеулі спортшылар арасында өткен XVII Азия чемпионатында Қызылорда құрамасы 8 жүлдеге ие болды. Жастар арасында сол қолының күшімен қарсылас шақ келтірмеген Шерхан Мақсұт алтын алды.

Алматы қаласында Бекет Махмутовтың жүлдесіне арналған дзюдодан жастар арасында өткен Азия кубогында қызылордалық спортшылар 5 медаль еншіледі.

 

Бүгін аймақ басшысы Қырымбек Көшербаевтың төрағалығымен жаппай кәсіпкерлікті дамыту мәселелеріне арналған облыс активінің кеңейтілген отырысы өтті.

28 сәуір күні «Евразия» спорт кешенінде Н.Ә.Назарбаевтың «Болашаққа бағдар: Рухани жаңғыру» бағдарламалық мақаласындағы міндеттерді жүзеге асыруға бағытталған қазақ күресінен IX облыстық «Алтын белбеу» ақтық сайысы басталады.

«Атамекен» Ұлттық кәсіпкерлер палатасы онлайн-несиелеуге қатысты  ҚР Ұлттық Банкінің заңнамалық бастамаларын қолдайды.Соңғы жылдары Қазақстанның тұрғындары мен шағын бизнес өкілдері онлайн-несиелеу ұйымдарының қызметіне жиі жүгіне бастаған. Әлемдік тәжірибе мұндай кәсіпкерлік қызметке сұраныс артқанын көрсетіп отыр.Еліміз бойынша  онлайн-несиелеуде жылдық мөлшерлеме көлемі  1000%(!)-ға дейін жеткен. Алайда жедел несиелеу бойынша қарыз алушылардың құқықтық қорғалуына кепілдік қарастырылмаған. Мәселен, 60 мың теңге көлемінде онлайн-несие алып, оны уақытында өтей алмай,  нәтижесінде қарыз сомасын 1,2 млн теңгеге дейін өсіріп алған азаматтар да көп.

Кәсіпкердің жұмысына кедергі келтірген Қызылорда облысының жердің пайдаланылуы мен қорғалуын бақылау басқармасының бөлім басшысы Руслан Баймаханов пен бас маман Шәкәрім Кизбаевқа тәртіптік жаза қолданылды. 

"Рухани жаңғыру" бағдарламасы аясында жүзеге асырылған "100 жаңа оқулық" жобасы бойынша қазақ тіліне аударылған алғашқы 18 оқулық жайлы аймақтағы этномәдени бірлестік өкілдері де ой-пікірлерін айтты. Өңірлік коммуникациялар қызметінде өткен баспасөз  конференциясына қатысқан «Қоғамдық келісім» орталығының бөлім басшысы Сәулет Сахиев, «Славяне» қоғамдық бірлестігінің жетекшісі Галина Щербакова және түрік этно мәдени бірлестігінің жетекшісі Гульчин Гейдарова оқулықтардың білімге құштар жастар үшін қолжетімді болатыны қуантарлық жайт деп атап өтті.